MANILA, Philippines – Mas lalamig pa ang temperatura sa Baguio City at ilang bahagi ng Cordillera Administrative Region dahil sa Northeast Monsoon o Amihan.
Ipinaliwanag ng PAGASA na nahuli ang pagdating ng Amihan season dahil sa magkakasunod na bagyo na tumama sa bansa noong nakaraang taon.
Naitala ang pinakamababang temperatura sa Benguet noong Enero 7 sa 13 degrees Celsius.
Samantala, ang pinakamababang temperatura sa Baguio City ay naitala nitong Enero 13 sa 13.8°C.
“Inaasahan natin possible na sa mga susunod na araw makapagtala tayo ng single digit na temperatura. Nung mga past Amihan season natin, nakakapagtala tayo ng 9°C, 8°C, 7°C so hindi natin tinatanggal yung posibilidad na makaranas tayo ulit tayo ng ganung temperatura para sa mga kababayan natin lalo na Baguio,” ayon sa PAGASA. RNT/JGC
