MANILA, Philippines – Lumakas at naging Tropical Depression “Maymay” ang low-pressure area sa kanluran ng La Union alas-8 ng gabi nitong Martes, Agosto 4, ayon sa Philippine Atmospheric, Geophysical and Astronomical Services Administration (PAGASA).
Ang sama ng panahon ay namataan 180 kilometro sa kanluran ng Bacnotan, La Union, sa bahagi ng West Philippine Sea.
Si Maymay ang ikalawang bagyong nabuo sa loob ng Philippine Area of Responsibility ngayong buwan at ika-13 tropical cyclone sa bansa ngayong taon. RNT
