MANILA, Philippines- Sinabi ni Pangulong Ferdinand Marcos Jr. na may plano siyang bisitahin si US President Donald Trump para talakayin ang hanay ng mga paksa na may kinalaman sa relasyon sa pagitan ng Manila at Washington.
Kabilang na rito ang mga usapin na may kinalaman sa depensa at kontrobersyal na bagong immigration policy ng Estados Unidos.
“There’s much that we need to discuss between the US and the Philippines in terms of trade and in terms of defense and security and now the new policy on immigration,” ang sinabi ni Pangulong Marcos sa sidelines ng pagpapasinaya sa Mactan-Cebu International Airport Alternate Runway.
“Nagpauwi na ata ng ilang daan na Pilipino. This is something that we have to work through and hopefully resolve because the Filipinos in the United States, especially, have really formed an important part already of their workforce. Let’s see if we can influence policy-making in terms of immigration,” dagdag niya.
Samantala, sinabi naman ni Presidential Communications Office (PCO) Sec. Cesar B. Chavez na wala pang eksaktong petsa ang biyahe ng Pangulo sa Estados Unidos. Kris Jose