UNITED STATES – Maglalabas ng magkakasamang executive order si US President Donald Trump na layong baguhin ang pakikitungo ng bansa sa citizenship at immigration.
Layon ng kanyang administrasyon na pababain ang bilang ng mga migrant na pumapasok sa US.
“First, I will declare a national emergency at our southern border,” ani Trump.
“All illegal entry will immediately be halted, and we will begin the process of returning millions and millions of criminal aliens back to the places from which they came.
“I will send troops to the southern border to repel the disastrous invasion of our country,” dagdag pa niya.
Matatandaan na ikinampanya ni Trump ang pagsugpo sa migration at layong wakasan na ang ilang taong gawain na awtomatikong pagbibigay ng citizenship sa mga ipinanganak sa Estados Unidos.
“We’re going to end asylum,” sinabi ni White House deputy press secretary Anna Kelly, sabay sabing lilikha sila ng “an immediate removal process without possibility of asylum. We are then going to end birthright citizenship.”
“Federal government will not recognize automatic birthright citizenship for children of illegal aliens born in the United States,” aniya.
Sinabi pa ni Kelly na ibabalik din ng administrasyon ang “Remain in Mexico” policy na ipinatupad sa nagdaang Trump administration.
Sa ilalim nito, ang mga nag-apply na pumasok sa Estados Unidos sa Mexican border ay hindi papayagang makapasok ng bansa hanggang hindi napagdedesisyunan ang aplikasyon nito.
“We’re going to… reinstate Remain in Mexico and build the wall.”
Nais din umano ni Trump na gumamit ng death penalty laban sa non-citizens na gagawa ng mga krimen katulad ng pagpatay.
“This is about national security. This is about public safety, and this is about the victims of some of the most violent, abusive criminals we’ve seen enter our country in our lifetime, and it ends today,” aniya. RNT/JGC