LUCENA CITY, Quezon – Isang 49-anyos na jeepney driver ang pinagsasaksak hanggang sa mapatay ng selosong karibal sa pag-ibig sa Purok Dalungyan, Barangay Isabang, nitong lungsod, nitong Sabado ng hapon, Agosto 3.
Kinilala ng pulisya ang biktima na si Dagul.
Ayon sa imbestigasyon, kinumpronta ng suspek na si Erwin, 45, self-employed, ang biktima hinggil sa umano’y relasyon nila ni Diana.
Nauwi sa mainitang pagtatalo at suntukan ang komprontasyon hanggang sa ilang beses na sinaksak ng suspek na armado ng talim si Dagul.
Tumakas si Erwin at dinala si Dagul sa ospital kung saan idineklara itong patay.
Sinabi ng mga kaanak ng biktima na love triangle nina Dagul, Erwin, at Diana ang motibo ng pagpatay. RNT
