MANILA, Philippines – Tumaas ng 2.36 metro ang lebel ng tubig ng Angat Dam nitong nakaraang siyam na araw sa gitna ng mga pag-ulan na dala ng shear line.
Hanggang alas-8 ng umaga kahapon, nasa 202.75 metro ang lebel ng tubig ng dam – isang 2.36 metrong pagtaas mula sa antas nito na 200.39 metro noong Disyembre 6.
Gayunpaman, sa kabila ng pagbuti ng antas ng tubig nito, ang elevation ng Angat Dam ay nasa 9.25 metro pa rin sa ibaba ng normal na antas ng tubig na 212 metro.
Sinabi ni Patrick Dizon, Metropolitan Waterworks and Sewerage System department manager, na ang 212-meter target sa antas ng tubig ng dam ay makakamit pa rin bago matapos ang 2024.
Ang Angat ay nagsusuplay ng higit sa 90 porsiyento ng maiinom na tubig na kailangan ng Metro Manila at nagbibigay ng patubig sa 25,000 ektarya ng mga bukirin sa Bulacan at Pampanga. RNT
