MANILA, Philippines – KINUMPIRMA ni outging Presidential Communications Office (PCO) Acting Secretary Cesar Chavez na ang TV reporter na si Jay Ruiz ang papalit sa kanyang iiwanang posisyon.
Sa katunayan, kinausap na niya si Ruiz hinggil dito. Ipinaalam niya rito na ipakikilala siya sa PCO Mancom, sa darating na Lunes, Pebrero 24 upang sa gayon ay masimulan na niya ang week-long transition.
“So that by March 1, it’s already a plug-and-play for him as the new PCO Sec,” ang sinabi ni Chavez. “I am also hoping that this kind of transition can be institutionalized in all other agencies,” aniya pa rin.
Nauna rito, nagbitiw na sa puwesto si Chavez. Nagsimite na si Chavez ng kanyang irrevocable resignation noong Pebrero 5, 2025. Kris Jose
