WASHINGTON — Inanunsyo ni Pangulong Donald Trump nitong Miyerkoles na aalis ang Estados Unidos sa dosena ng pandaigdigang at U.N. na ahensya, kabilang ang U.N. Framework Convention on Climate Change (UNFCCC) at UN Women, dahil umano sa “pagsuway sa pambansang interes ng U.S.”
Sa memo sa mga senior administration officials, inilista ni Trump ang 35 non-U.N. groups at 31 U.N. entities, kabilang ang UNFCCC, ang parent treaty ng 2015 Paris climate agreement, at U.N. Population Fund (UNFPA), na nakatuon sa family planning at kalusugan ng ina at bata.
“The United States would be the first country to walk away from the UNFCCC,” ayon kay Manish Bapna, presidente at CEO ng Natural Resources Defense Council.
Para sa mga U.N. entities, nangangahulugang ititigil ang partisipasyon o pondo “hanggang sa pinahihintulutan ng batas.” Malaki na rin ang ibinawas ni Trump sa voluntary funding ng karamihan sa U.N. agencies.
Ayon sa White House, ang mga ahensyang ito ay nagtataguyod ng “radical climate policies, global governance, and ideological programs that conflict with U.S. sovereignty and economic strength,” at bahagi ito ng pagsusuri sa lahat ng international organizations, conventions, at treaties.
Ipinapakita ng hakbang ni Trump ang kanyang matagal nang pagdududa sa multilateral institutions, kabilang ang naunang pagtigil sa pondo sa U.N. Human Rights Council, UNESCO, UNRWA, World Health Organization, at Paris climate agreement.
Kasama rin sa listahan ang U.N. Conference on Trade and Development, International Energy Forum, U.N. Register of Conventional Arms, at U.N. Peacebuilding Commission.
Ayon sa White House, ang pag-withdraw ay magtatapos sa “American taxpayer funding and involvement in entities that advance globalist agendas over U.S. priorities, or that address important issues inefficiently or ineffectively.” RNT
