MANILA, Philippines- Nanawagan ang Vatican sa mga Pilipino na makinig sa mga pastor tungkol sa kanilang paninindigan sa panukala dahil sa pag-apruba ng Kamara na gawing legal ang diborsyo.
Sinabi ni Archbishop Paul Gallagher, ang Holy See’s Secretary for Relations with States na nagsagawa ng opisyal na pagbisita sa Maynila, “napakalinaw at kilalang-kilala” ang turo ng Simbahang Katoliko sa pag-aasawa matapos siyang tanungin tungkol sa desisyon ng Vatican sa divorce bill na kasalukuyang tinatalakay ng mga mambabatas ng Pilipinas.
Inihayag ni Gallagher na wala pa ring komunikasyon sa pagitan ng Diocese of Rome at ng Simbahang Katoliko gayundin ang anumang diplomatic overture sa Holy See.
Ngunit sinabi ng arsobispo na inaasahan niyang marinig ang tungkol dito mula sa mga obispong makatatagpo niya sa kanyang paglahok sa biannual plenary ng Catholic Bishops’ Conference of the Philippines (CBCP), ang pinakamataas na antas ng pagpupulong nito, sa Mindanao sa Hulyo 6 hanggang 8
Ipinasa ng Kamara noong Mayo ang ikatlo at pinal na pagbasa sa panukalang pinamagatang “an Act reinstituting absolute divorce as an alternative mode for the dissolution of marriage.”
Sinabi ni Gallagher na inilalagay niya ngayon ang kanyang tiwala sa kakayahan ng CBCP gayundin ng mga indibidwal na obispo.
“And we, as the Holy See, obviously, encourage Filipino Catholics, particularly to listen to their pastors and to try and offer whatever is the best approach to this,”
“It will [also] be interesting for me to get some feedback from them [CBCP] on this issue, which I will obviously be attentive to,” sabi ni Gallagher. Jocelyn Tabangcura-Domenden
