MANILA, Philippines – SWAK sa kulungan ang isang kelot na listed na most wanted sa kasong panggagahasa makaraan madakip ng mga awtoridad matapos ang ikinasang manhunt operation laban sa suspek sa Valenzuela City.
Kinilala ni Valenzuela Police chief P/Col. Salvador Destura Jr ang suspek na si Anton Julean Belleza, 33, residente ng 5015 Berlin St., Brgy. Gen T De Leon.
Ayon kay Northern Police District (NPD) Director P/BGen Ponce Rogelio Penones Jr, nagsagawa ang pinagsamang mga operatiba ng Warrant and Subpoena Section (WSS) sa pangunguna ni P/Lt Ronald Bautista at 5th MFC, RMFB, NCRPO ng joint manhunt operation kontra wanted persons.
Bandang alas-11:20 ng umaga nang maaresto ang suspek ng mga pulis sa kanyang bahay.
Matapos makita ang suspek ay agad itong dinakip sa bisa ng warrant of arrest na inisyu ng Valenzuela City Regional Trial Court, Family Court Branch 16, noong Hunyo 29, 2023, para sa kasong Statutory Rape under Art. 266-A par. 1 (d) of the RPC in rel. to sec. 5(b) as Amended by R.A. 11685 (5 Counts), Rape by Sexual Assault under Art. 266-A par. 2 of the RPC in rel. to sec. 5(b) of R.A. 7610 (3 Counts), Violation of Sec. 5(b) of R.A. 7610 at Unjust Vexation under Art. 287 par. 2 of the RPC.
Nakapiit sa detention cell ng Valenzuela Police ang suspek habang hinihintay ang pagpapalabas ng commitment order ng korte. R.A Marquez
