Nagtatanong ang ina ni Rene Baterbonia kung bakit ang kanyang anak na lalaki ay nasa dagat na may mga weight o pabigat sa mga kamay at paa, at sa isang punto ay sinabi niyang naniniwala siya na may foul play dahil ang batang basketball player ay mayroon ding mga pasa sa mga bahagi ng kanyang katawan.
Sa kanyang panayam sa GMA News nitong Martes, sinabi ni Rovelyn na walang sinuman mula sa Ateneo De Manila University ang nakipag-ugnayan sa kanya kasunod ng insidente ng pagkalunod na kumitil sa buhay ng kanyang anak at ni Divine Adili.
” Sa isang saglit lang, yung pangarap ng aking anak, winasak nila. Ang malaking tanong ko talaga, bakit?,” sabi ni Rovelyn.
“Ang dami nila dun tapos walang nag-rescue. ‘Yung anak ko, hindi ba nila pinapalangoy nang may 20 kilos na pabigat?” dagdag niya.
Ayon kay Rovelyn, naniniwala siyang may foul play sa insidente dahil marami pasa ang kanyang anak at nagtatanong siya, upang malinawan, kung saan ba nanggaling yung pasa
Sinabi ng mga imbestigador ng pulisya na wala pa silang nakikitang foul play sa insidente ng pagkalunod.
“Base po sa salaysay ng mga nakausap natin na kasama nila ay meron po silang activity na kung saan lumalakad po ang mga players sa tabing dagat, hanggang hita po ‘yung lalim ng tubig. At bigla na lang po silang napunta sa malalim na parte.”
Isinalaysay ni Pineda na nangyari ang insidente dakong 2:40 p.m. sa harap ng isang pribadong resort kung saan nagsasagawa ng training camp ang Ateneo Blue Eagles bilang paghahanda sa UAAP Season 89, kung saan nakatakdang simulan ni Baterbonia ang kanyang collegiate journey at inaasahang gaganap si Adili sa kanyang sophomore year.
Ibinahagi ni Pineda na mabilis na nakatanggap ng paunang medical response sina Baterbonia at Adili habang agad namang rumesponde ang PNP matapos matanggap ang tawag. Sa kasamaang palad, ang parehong mga manlalaro ay pumanaw.
“So base po sa ating nakuhang salaysay sa mga kasama niya, ito pong nangyari na ito ay talagang puro accident. Natural accident po ‘yung pangyayari. Hindi po talaga inaasahan,” dagdag ni Pineda.
“Sa ngayon, wala po tayong nakikitang foul play sa aksidente na ito.”
