MANILA, Philippines – NAHAHARAP ang World Health Organization sa masusing pagsisiyasat bunsod ng pagpapalawak ng senior director ranks sa Geneva, nagdulot ng matinding alalahanin ukol sa alokasyon ng limitadong pagkukuhanan.
Igiit ng kritiko na inililihis nito ang pondo mula sa mahalagang public health initiatives, partikular pa’t nakikipaglaban ang organisasyon sa kakulangan ng pondo.
“Data analysis reveals that the number of D2-level directors, a high-ranking position
below the Director-General’s senior team, has risen significantly to 75 by July 2024 from 39 in July 2017,” ayon sa Health Policy Watch analysis ng WHO human resources data.
Ang pinagsamang halaga o gastos para sa senior positions, kabilang na ang Director-
General’s team, ay tinatayang $92 million, posibleng umabot sa $130 million kapag
isinama ang P6-level staff na may kahalintulad na management responsibilities.
Binatikos naman Nicotine Consumers Union of the Philippines ang prayoridad sa
paggastos ng WHO.
Binanggit din ni Israel ang alalahanin ukol sa pananalig o dependensiya ng WHO sa
private funding, tinukoy ang potensiyal na “conflicts of interest.”
Partikular na tinukoy ni Israel ang Bloomberg Philanthropies, na dati nang inakusahan ng Mababang Kapulungan ng Kongreso sa Pilipinas nang pakikialam sa lokal na polisiya.
Sa Congressional inquiry ukol sa natanggap na foreign money ng Food and Drug Administration (FDA) para pondohan ang paglikha ng regulasyon para sa non-combustible alternatives sa sigarilyo, kinondena ng Kongreso ang kasanayan na nagbibigay sa mga pribadong organisasyon ng impluwensiya sa pambansang patakaran sa pamamagitan ng grants na iginawad sa mga ahensiya ng gobyerno.
Binatikos din nito ang napipintong WHO Framework Convention on Tobacco Control
Conference of the Parties (COP 11), na umano’y pag-aaksaya ng pondo at platform
para sa pagtutulak ng isang partikular na agenda.
Sinabi pa rin ni Israel na muli ay ipe-presyur lamang ng WHO directors ang mga bansa na tanggapin ang “prohibitionist dogma” nito sa isinagawang COP 11 nang hindi na pinakinggan ang milyon- milyong consumers at stakeholders, ang mga pinaka -nag-aalala.
Sa kabilang dako, hiniling ni Israel sa WHO na isantabi ang pagiging bias o pagkiling
nito at ikonsidera ang “real-world evidence”; sa mga benepisyo ng reduced-risk products, kaysa sa magpatupad ng malawak na mga paghihigpit na maaaring hadlangan ang mga naninigarilyo mula sa pag-access sa mas ligtas na mga alternatibo.
Ipinahiwatig naman ng hiring analysis na mayorya sa bagong D2 positions ay
matatagpuan sa Geneva headquarters ng WHO, itinuturing na “most expensive
location” ng organisasyon. Ang mga makabuluhang pagtaas ay naitala sa ibang
rehiyon kabilang na ang Africa.
Nangyayari ang pagpapalawak habang nahaharap ang WHO sa $175-million budget deficit para sa 2025, pinalala ng pag-alis ng pondo ng Estados Unidos, na kung saan dati ay naitala ang 1 5% ng kita ng WHO.
Bilang tugon, inanunsyo ni Director-General Tedros Adhanom Ghebreyesus ang cost- cutting measures, kabilang na ang pagpapatigil sa pagha-hire o pagtanggap, pagbabawas sa pansamantalang mga tauhan at pagbuo ng komite na mag-a-assess sa karagdagang kahusayan.
Ipinatupad din ng WHO ang mga paghihigpit ukol sa contract extensions at nag-alok
ng maagang “retirement options.”
Samantala, sinabi naman ni WHO spokeswoman Margaret Harris na ang organisasyon ay nakatutok sa “cost containment” at paglilipat ng mga mapagkukunan sa country-level programs.
Nanawagan naman ang mga kritiko para sa higit na transparency sa gastos ng mga tauhan at isang “recalibration of the pyramid;” binigyang diin ang “efficiency at effectiveness” na may cost-cutting measures na prayoridad sa pinakamataas na antas.
Hindi naman nagbigay ng partikular na komento ang WHO kaugnay sa tumataas sa D2 positions at pangkalahatang mga gastos sa kawani. KRIS JOSE
