MANILA, Philippines- Hiniling ni Senador Win Gatchalian sa buong gobyerno na buhayin ang work-from-home upang maibsan ang public servant sa gitna ng rehabilitasyon ng Epifanio Delos Santos Avenue (EDSA) na magsisimula sa Hunyo.
Ayon kay Gatchalian, dapat ikonsidera ng pamahalaan ang pagtupad ng serbisyo ng pamahalaan sa pamamagitan ng “Work From Home” law o ang Telecommuting Act (Republic Act No. 11165).
Sinabi ng senador na kailangan talagang magkaroon ng rehabilitasyon sa EDSA ngunit dapat ipatupad ng pamahalaan ang ilang intervention tulad ng pagpapaluwag sa pangangailangan at pahirap ng motorista at commuters.
“Complementary interventions such as work-from-home arrangements or flexible working setup should be considered by public and private organizations alike to decongest roads and minimize public inconvenience,” aniya.
Sinuportahan din ni Gatchalian na pansamantalang suspendihin ang paniningil sa toll road partikular sa ilang bahagi ng skyway habang isinasagawa ng rehabilitasyon ng EDSA.
“The temporary free use of toll roads—such as Skyway Stage 3 and the NLEX Connector Road—while the EDSA rehabilitation is ongoing, could offer much-needed relief to motorists and commuters directly affected by the construction,” aniya.
“With proper planning and strong public awareness, this measure can encourage drivers and transport operators to use lesser-known routes, distributing traffic more evenly across Metro Manila’s road network,” paliwanag ng senador.
Kasabay nito, sinabi pa ni Gatchalian na dapat tiyakin ang lahat ng ahensya ng pamahalaan na hindi maantala ang anumang emergency vehicle sa pagtugon sa pangangailangan ng mamamayan habang isinasagawa ng rehabilitasyon.
“Although the project will cause inconvenience, we look forward to the benefits that will come from it: smoother, faster, and safer travel for millions of Filipinos,” wika ni Gatchalian.
Iginiit ng senador na kailangang magkaroon ng tamang koordinasyon sa pagitan ng pambansang pamahalaan at local government units (LGUs) na pawang kritikal sa EDSA rehabilitaiton.
“The rehabilitation of EDSA is not just a necessary infrastructure project, it is also a call for collective action and adaptability,” ani Gatchalian.
“Any project will not be successful without strong and continuous coordination between the national government, LGUs, and toll road operators,” paliwanag pa niya. Ernie Reyes
