MANILA, Philippines – Gustong maibahagi ni Carlos Yulo ang kanyang talento at kadalubhasaan sa mga kabataang Pinoy na gustong maging gymnasts sa pamamagitan ng pagtuturo o clinic matapos manalo ng dalawang gintong medalya sa 2024 Paris Olympics.
Ibinahagi ng 24-year-old na si Yulo na gusto niyang turuan ang mga bata ng basics ng sport.
“Gusto ko rin ma-share ‘yung kaalaman na natutunan ko sa naging journey ko,” ani Yulo. “And siyempre to have fun din po ‘yung mga bata, and ako na ma-enjoy ko yung pag-share ng naging journey ko.”
Sinabi ni Yulo na plano rin niyang bumalik sa Japan para personal na magpasalamat sa mga tumulong sa kanya doon.
Siya ay gumugol ng maraming taon sa Japan, nag-aaral sa mga paaralang Hapon habang hinahasa din ang kanyang mga kasanayan sa gymnastics sa ilalim ng kanyang dating coach na si Munehiro Kugimiya.
Lumipad siya sa Japan noong 2016 at nag-aral at nagtapos ng Japanese Language Course sa Teikyo Study Abroad Center.
Pagkatapos ay nagtapos siya sa Teikyo University Junior College bago pumasok sa Teikyo University.
Mula noon, tumaas si Yulo upang maging pinakadakilang Filipino gymnast sa kasaysayan, na nanalo ng dobleng gintong medalya sa Paris sa pamamagitan ng paghahari sa kanyang mga pet event na floor exercise at vault.JC
