Zoren, may nilinaw sa isyung sila ni Carmina ang ‘power couple’ na on the rocks!

Manila, Philippines – Parami na nang parami ang mga itinuturong power couple na tagilid ang pagsasama.

Nagsimula bilang blind item, ang kuwento–llang beses na daw nasasalisihan ng mister ang kanyang misis.

Panay iyak naman daw ang aktres na nagsisilbing hingahan ang kanyang mga kaibigan.

Una nang pinagdudahan sina Dingdong Dantes at Marian Rivera.

Itinanggi na ito ng Kapuso Primetime Queen.

Sumunod sina Toni Gonzaga at direk Paul Soriano.

Pero sa halip na umamin o magdenay, ikinunek ito ni Toni sa produktong ibinebenta online–

calling such talk “nonsense.”

Hindi pa doon natatapos ang turuan.

Ang latest, sina Carmina Villaroel at Zoren Legaspi naman daw ‘yon.

Nitong January 21, may makahulugang post si Zoren sa Instagram.

Picture ‘yon ng kanyang pamilya kuha sa Bondi Beach, isang iconic tourist destination sa Australia.

Higit sa lahat, nilinaw ng actor-director na hindi sila “super couple” ni Carmina.

Hindi rin daw sila “super family” kundi isang maligayang pamilya lang.

“We are just one happy family…basic!” pagkokorek ni Zoren.

Hay, kung sinu-sino na lang ang pinagdududahan–sino naman kaya ang susunod na “mabibiktima”?! Ronnie Carrasco III