MANILA, Philippines – Naglabas ang Department of Budget and Management (DBM) ng mahigit P6 bilyon sa Philippine Fisheries Development Authority (PFDA) para mapabuti pa ang mga fish port sa bansa.
Ayon sa DBM, ang badyet ay magbibigay-daan para maipatupad ng PFDA ang Fisheries Infrastructure Development Program.
Ang pondo ay kinuha mula sa 2024 national budget.
“Our shores are more than mere lines on the map. It is among the driving forces of our nation,” saad sa pahayag ni DBM Secretary Amenah Pangandaman.
“Enhancing and maintaining strategic and globally competitive fish ports would allow our ships and crews access to essential supplies and services, and for vessel operators to successfully bring in their catches, safeguarding the livelihood of our fishermen,” dagdag pa niya.
Sinabi ng DBM na P1.1 bilyo ang inilaang badyet para sa konstruksyon, rehabilitasyon, at pagpapabuti ng mga fish port at iba pang fishery post-harvest facilities sa bansa.
“Kapag maayos at napangangalagaan ang ating mga fish port, malaking pakinabang ito sa kabuhayan ng mga mangingisda at sa kaunlaran ng komunidad. Kaya sinisiguro po natin na sa ilalim ng pamumuno ni Pangulong Bongbong Marcos, may kaukulang suporta ang mga proyekto para sa kanila,” dagdag ni Pangandaman.
Sinusuportahan ng PFDA ang operasyon ng regional fish ports ng Navotas, Iloilo, Zamboanga, Camaligan, Lucena, Sual, Davao, General Santos, at Bulan Fish Port.
Ang Special Allotment Release Order ay pinirmahan noong Pebrero 28. RNT/JGC
