MANILA, Philippines – Para sa mga mambabatas sa House of Representatives nawala na ang integridad ng Senado matapos magamit ang kanilang tanggapan sa isang smear campaign laban sa administrasyon ni Pangulong Bongbong Marcos.
Ayon kay Lanal del Sur Rep Zia Adiong malinaw naman na walang pinatutunguhan ang ginagawang inquiry ng Senate Committtee on Public Order and Dangerous Drugs na pinamumunuan ni Sen Ronald dela Rosa na kilalang kaalyado ni dating Pangulong Rodrigo Duterte.
Ang komite ni dela Rosa ay nagsasagawa ng imbestigasyon sa ukol sa sinasabing dokumento ng Philippine Drug Enforcement Agency (PDEA) na nag-uugnay sa illegal na droga kay Pangulong Marcos.
“The Senate is losing its integrity because of what is happening in the Senate hearings of Senator Dela Rosa. As it develops, the Senate is losing its integrity and the public now is questioning the Senate’s motive. As I see it, this investigation is a smear campaign,” paliwanag ni Adiong.
“It is politically motivated targeting this administration’s downfall, and that would not happen. The President has the trust of the people,” dagdag pa nito.
Isang dating PDEA intelligence officer na si Jonathan Morales ang tumestigo na sya ang naghanda at lumagda sa nasabing dokumento gayunpaman itinanggi ito mismo ni PDEA chief Moro Virgilio Lazo na nagsabing walang ganitong dokumento.
Naniniwala naman si Adiong sa naging pahayag ni dating Senator Antonio Trillanes IV na may destabilization plot laban kay Pangulong Marcos at ang nasa likod nito ay ang kampo ng mga Duterte.
“If you really look at the development, the timing, maybe there is something happening deeper, beyond what we are seeing, what is happening in the hearings, and the rallies that they also hold. You connect the dots. You don’t need Senator Trillanes to tell you these. Just like a jigsaw puzzle, everything is coming into place, the picture is very clear that they are against the administration,” pagtatapos pa ni Adiong. Gail Mendoza
