MANILA, Philippines – Muling binuhay ng miyembro ng Kamara ang kanyang panawagan para sa same-sex civil partnership law sa Pilipinas.
Sa pahayag, sinabi ni BH Party-list Rep. Bernadette Herrera, may-akda ng proposed Civil Partnership Act (HB 1015), na nais niyang itulak ang civil partnership bilang “alternative” sa kasal sa isang Catholic-majority nation upang mabigyan pa rin ng kaparehong constitutional rights ang mga ito gaya ng sa straight couples.
“This is not a marriage contract wherein there is a third party—either a judge or a religious official. In this civil partnership contract, the only parties are the two persons binding themselves to their contract, so there are no religious issues involved because this is a matter of civil law. This bill is consistent with the Civil Code partnership provisions,” ani Herrera.
“Civil partnership po ang isinusulong namin sa Kongreso, hindi same-sex marriage, HINDI UNION. Matagal nang kinikilala ng Civil Code of the Philippines na kahit sinong tao sa Pilipinas ay maaaring pumasok sa isang partnership agreement,” dagdag pa niya.
Ani Herrera, ang pagpasa ng same-sex civil partnership law ay karapatang pantao at “not seek to dilute nor diminish marriages solemnized in Catholic and other religious rites.”
Sa ilalim ng panukala, ang couple ay kailangan lamang na irehistro ang kanilang pirmado at notarized civil partnership contract sa city o municipal hall.
“Iyan lang ang requirement. Hindi requirement ang anumang kasalan. Walang officiating officer sa anumang seremonya. Iyong kontrata lang at pag-register nito sa city hall o munisipyo ang requirement sang-ayon sa mga pamantayan na nakasaad sa panukalang batas,” dagdag pa niya. RNT/JGC
