MANILA, Philippines – Nasagip ang isang 13-anyos na batang babaeng Mandaluyong City Police mula sa isang Chinese national na gagahasa sana sa kanya habang nasa loob ng condominium unit ng suspek sa Barangay Hulo, Mandaluyong City, noong Marso 9.
Kinilala ng Eastern Police District (EPD) ang suspek na si “Li Liam,” 59, isang engineer.
Batay sa ulat ng pulisya, ang biktima na kinilalang si “AAA,” ay niyaya ng kanyang kaibigan na lumangoy sa condominium ng kanyang tiyahin kung saan din nakatira ang suspek.
Pagdating sa condominium, sinundo ni Li Liam ang dalawa at dinala sa sarili niyang unit. Napansin ni AAA na first time niyang makilala si Li Liam pero mukhang matagal nang kilala ng kaibigan niya ang suspek.
Nang makarating sila sa unit ng suspek, nagbigay si Li Liam ng ilang piraso ng P1,000 bill sa kaibigan ni AAA na lumabas ng kwarto pagkatapos.
Pagkatapos ay pinagpatuloy ng suspek ang panghahalay sa biktima, na pinilit na ipasok ang pribadong bahagi nito sa bibig ni AAA. Pagkatapos ay inutusan niya ang biktima na maligo muna bago ituloy ang pang-aabuso.
Binigyan nito ng pagkakataon ang dalaga na mag-message sa kanyang ina hinggil sa insidente, na pagkatapos ay nagsumbong sa Mandaluyong City Police.
Mabilis na inilunsad ang operasyon ng pulisya para sa pagsagip sa dalaga na humantong sa pagkakaaresto kay Li Liam.
Nahaharap siya ngayon sa kasong paglabag sa RA 8353 in relation to RA 7610. Nasa kustodiya pa rin siya ng Mandaluyong City Police. RNT
