MANILA, Philippines – Kinumpirma ng Philippine National Police (PNP) na inilagay na sa restrictive custody sa Camp Crame, Quezon City ang 15 sa mga miyembro nito na sangkot sa kaso ng mga nawawalang sabungero.
“We have placed the several police personnel under restrictive custody pending the investigation into the missing sabungeros. That we can confirm. And we have partnered with the National Police Commission for the in-depth investigation of this case,” pahayag ni PNP chief Gen. Nicolas Torre III nitong Lunes, Hulyo 7.
“Many of them are in support units. Some of them are in regions. Some in APC (area police command). They are from different units,” sinabi pa ni Torre.
Aniya, kabilang pa rito ang isang lieutenant colonel.
Ibinahagi rin niya na nang ito ay pinuno pa ng Criminal Investigation and Detection Group (CIDG), nagsimulang makipag-ugnayan sa pulisya si alyas “Totoy” o ang whistleblower na si Julie “Dondon” Patidongan.
“Well, Totoy has been giving us statements for a long time. We actually took his statement months before, but of course, we had to put it under wraps to ensure that our moves wouldn’t be preempted. We got voluminous evidence because we got that information a little under the radar,” paglalahad ni Torre.
Kinumpirma ni Torre na si Patidongan ay nasa ilalim ng proteksyon ng PNP ngunit hindi na nagbigay pa ng karagdagang impormasyon kung paano ito lumapit sa CIDG.
Noong nakaraang linggo, ibinunyag ni Department of Justice Secretary Crispin Remulla na iniimbestigahan ang 15 miyembro ng PNP dahil sa kaugnayan sa kaso at sila ay nasa ilalim ng “restricted duty and are required to report to designated offices so they can no longer participate in operations.” RNT/JGC
