MANILA, Philippines- Iniulat ng health authorities sa Soccsksargen (South Cotabato, Cotabato, Sultan Kudarat, Sarangani, Gen. Santos City) noong Lunes ang dalawang posibleng kaso ng monkeypox (mpox) sa rehiyon.
Sinabi ni Dr. Dyan Zubelle Parayao, hepe ng Regional Epidemiology and Surveillance Unit (RESU) ng Department of Health, na mahigpit na sinusubaybayan at pangangalap ng kanilang mga tauhan ang mga datos sa kasaysayan ng paglalakbay ng mga pasyente upang matunton ang pinagmulan ng virus na nahawa sa kanila.
Sinabi ni Parayao na ang RESU ay nangolekta ng mga sample ng specimen mula sa mga pinaghihinalaang carrier para sa mga laboratory test sa Research Institute for Tropical Medicine at naghihintay ng kumpirmasyon kung ang mga sintomas ay pareho sa monkeypox.
Hindi niya isiniwalat ang mga pangalan ng mga pasyente at kung saan sila nakatira upang maiwasan ang diskriminasyon.
Sinabi ni Parayao na naka-isolate ang mga pasyente. Jocelyn Tabangcura-Domenden
