MANILA, Philippines – Hindi nakaligtas ang dalawang tanod na hinoldap ng riding-in-tandem sa mismong sa harap ng barangay hall sa Sta. Cruz, Maynila.
Sabado, Abril 6 ng madaling araw nangyari ang insidente habang nakaupo ang dalawang tanod na naka-duty noon.
Maya-maya pa ay lumapit ang angkas sa dalawang tanod saka tinutukan ang mga ito ng baril at kinuha ang cellphone.
Sinabi ng Manila Police District na natukoy na nila ang nanutok ng baril at residente ng Maynila ang suspek na dati na ring nakulong sa robbery-holdup, samantalang hindi pa matukoy ang pagkakakilanlan ng rider. RNT
