Home NATIONWIDE 21 lugar makararanas ng peligrosong damang-init

21 lugar makararanas ng peligrosong damang-init

MANILA, Philippines – Iniulat ng Philippine Atmospheric, Geophysical and Astronomical Services Administration (PAGASA) na 21 lugar ang maaari pa ring makaharap sa “peligrosong” damang-init o heat index sa Martes, Hunyo 11.

Sinabi ng PAGASA na maaaring maranasan ang 45 degrees Celsius (°C) heat index sa Baler (Radar), Aurora na susundan ng 44°C sa Dagupan City, Pangasinan; Tuguegarao City, Cagayan; ISU Echague, Isabela; Casiguran, Aurora; at Roxas City, Capiz

Ang Bacnotan, La Union; Aparri, Cagayan; Alabat, Quezon; San Jose, Occidental Mindoro; at Dipolog, Zamboanga Del Norte ay maaaring makaranas ng 43°C heat index.

Idinagdag ng PAGASA na ang Ninoy Aquino International Airport (NAIA) Pasay City, Metro Manila; Laoag City, Ilocos Norte; NVSU Bayombong, Nueva Vizcaya; CLSU Muñoz, Nueva Ecija; Sangley Point, Cavite; Ambulong, Tanauan Batangas; Infanta, Quezon; Coron, Palawan; Cuyo, Palawan; at Masbate City, Masbate ay maaaring may heat index na 42°C. RNT