MANILA, Philippines – Naitala ng Philippine Institute of Volcanology and Seismology (PHIVOLCS) ang 256 rockfall events at 41 pyroclastic density currents (PDCs o “uson”) sa Mayon Volcano sa Albay sa nakaraang 24 oras, ayon sa ulat nitong Linggo.
Patuloy rin ang paglabas ng lava at makikita pa rin ang crater glow sa mata ng tao. Noong Sabado, naitala ang 777 toneladang sulfur dioxide emissions. Moderate plumes mula sa crater ay umakyat hanggang 200 metro bago humimlay sa hilaga-silangan.
Nanatiling Alert Level 3 (Intensified/Magmatic Unrest) ang Mayon. Pinayuhan ng PHIVOLCS na bawal ang pagpasok sa 6-kilometrong Permanent Danger Zone (PDZ) at maging maingat sa Extended Danger Zone (EDZ). Ipinagbabawal din ang pagpapalipad ng eroplano malapit sa bulkan.
Ayon sa PHIVOLCS, panganib mula sa Mayon ay kinabibilangan ng:
–Rockfalls o landslides
–Ballistic fragments
–Lava flows at lava fountaining
–Pyroclastic density currents (PDCs)
–Moderate-sized explosions
–Lahars kapag malakas at matagal ang ulan
Patuloy na minomonitor ang bulkan para sa kaligtasan ng publiko. RNT/MND
