MANILA, Philippines- Arestado ang tatlong kalalakihan sa South Sanitary Camp, Baguio City sa pagkatay at pagluto ng karne ng aso.
Iniulat ng isang residente ang insidente sa mga pulis matapos masaksihan ang pagkatay ng mga suspek sa aso at paghahanda ng karne nito.
“Kinaumagahan naamoy niya at nakita niya nga itong tatlo. Na-confirm niya na katay na mga aso,” pahayag ni PMAJ Harriet Bulcio ng Baguio City Police Office.
Nahaharap ang mga suspek sa kaso sa ilalim Animal Welfare Act, na maaaring magresulta sa pagkakakulong ng isa hanggang tatlong taon at multa.
“Napa-certify na rin natin siya sa Veterinary office ‘yung allegedly dog meat, ‘yun nga may certification na dog meat talaga siya,” ani Bulcio. RNT/SA
