MANILA, Philippines- Apat na miyembro ng Liberal Party ang nagpahayag ng suporta sa liderato ni House Speaker Martin Romualdez sa pagsanib nito sa supermajority bloc sa House of Representatives.
Ayon kay House Deputy Speaker David Suarez, sa kabuuan ay nasa 285 House members na ang pumirma para sa pagpapahayag ng suporta sa liderato ni Romualdez sa papasok na 20th Congress.
Ang supermajority bloc ng Kamara ay binubuo ng political parties kabilang ang Lakas-CMD, Nacionalista Party, National Unity Party, Nationalist People’s Coalition, Partido Federal ng Pilipinas at Party-list Coalition Foundation Inc.
“The unity we now see among House members reflects a collective commitment to stability, progress, and responsible governance under his stewardship,” pahayag ni Suarez.
Matatandaang una nang sinabi ni Suarez na mananatili bilang House Speaker si Romualdez bunsod na rin ng malakas pa rin nitong suporta mula sa mga mambabatas.
Bagama’t may tatlong lumutang na pangalan na posibleng kandidato sa Speakership kabilang sina Navotas Rep. Toby Tiangco, Bacolod City Rep. Albee Benitez at locos Norte Rep. Angelo Marcos Barba, ay inaasahang ai Romualdez pa rin ang mahihirang na Speaker. Gail Mendoza
