MANILA, Philippines – Natagpuang patay ang 57-anyos na kasambahay sa Quezon City matapos umano siyang sakalin at pagsamantalahan ng isang lalaking nanloob sa bahay ng kaniyang amo.
Nahuli ang 25-anyos na suspek sa Tondo, Maynila, na may record ng anim na nakaraang pag-aresto.
Ayon sa pulisya, bago pa man makapasok sa trabaho ang biktima, pinasok na ng suspek ang bahay at nagnakaw ng ilang alahas.
Makalipas ang halos 30 minuto, umalis ang suspek na may palitang damit at dalang sling bag. Nakuha rin sa kaniya ang isang hindi lisensiyadong baril na puno ng bala.
Sasampahan ang suspek ng kaso sa robbery, rape with homicide, at paglabag sa Comprehensive Firearms and Ammunition Regulation Act. Santi Celario
