5K ‘gang 10K PDLs palalayain bago mag-Pasko – BuCor

MANILA, Philippines – Inanunsyo ni Bureau of Corrections Director General Gregorio Pio P. Catapang Jr. na inaasahang mapapalaya bago mag-Pasko ang nasa 5,000 hanggang 10,000 persons deprived of liberty (PDL).

Ito ay kasunod ng pagsasapinal ng mga patakaran at regulasyon para sa Good Conduct Time Allowance na naaangkop sa mga nahatulan ng mga karumal-dumal na krimen.

Ginawa ni Catapang ang anunsyo na ito sa isang event para sa 500 PDLs nitong umaga ng Lunes, Nobyembre 25 na ginanap sa Social Hall ng BuCor Administrative Building sa loob ng New Bilibid Prison (NBP) Compound, Muntinlupa City.

Matatandaan na nasa 500 PDLs ang napalaya ng BuCor mula Oktubre 22 hanggang Nobyembre 25. RNT