MANILA, Philippines – Nasagip ng Philippine Coast Guard (PCG) ang walong indibidwal matapos lumubog ang sinasakyan nitong motorbanca sa Pulupandan, Negros Occidental.
Sa pahayag nitong Sabado, Oktubre 31, sinabi ng PCG na nagsagawa ang Coast Guard Sub-Station (CGSS) Sibunag ng matagumpay na search and rescue operation.
“The vessel reportedly encountered big waves while underway, causing it to drift and capsize approximately 1 kilometer from the shoreline of Pulupandan,” sinabi ng Coast Guard District Western Visayas.
“Responding Coast Guard personnel immediately launched rescue operations, and all eight passengers were safely rescued,” dagdag pa.
Ang insidente ay nangyari noong Oktubre 29, o ilang araw bago ang dagsa ng mga pasahero para sa Undas. RNT/JGC
