MANILA, Philippines – Nasa Border Guard Force (BGF) shelter sa Myawaddy, Myanmar si Jun at 80 pang Pilipino, pati na ang ilang dayuhan, habang hinihintay ang muling pagbubukas ng Friendship Bridge sa Thailand.
“I didn’t even know this country, Myanmar. I was not supposed to work here,” sabi ni Jun. Dinala siya at dalawang kapwa Pilipino mula Hanoi patungong Yangon noong Agosto 20, 2025, matapos makansela ang kanilang biyahe sa China.
Ayon kay Jun, na-recruit sila sa trabaho sa Myanmar sa pamamagitan ng Telegram. Nagbayad siya ng ₱10,000 bilang placement fee. Sa halip na IT job na may $1,000 sweldo, napilitang maging bahagi ng online scam hub, na pinamumunuan ng Chinese syndicates, at pinatawan ng multa kung hindi naabot ang daily quota.
Ang mga Pilipino tulad ni Jun ay karaniwang dinadala sa Myanmar sa pamamagitan ng “backdoor”—mula Palawan o Tawi-Tawi papuntang Sabah, Malaysia, at sa Thailand bago tumawid sa Moei River patungong Myawaddy. Dito, madalas silang iligal na lagyan ng entry at exit stamps.
Noong Oktubre 23, 2025, naglunsad ang Democratic Karen Benevolent Army (DKBA) ng raid sa scam hub sa KK Park, dahilan para ilipat ang grupo ni Jun sa ibang lugar sa Myawaddy. Marami pang biktima ang dinala sa Cambodia o ibang parte ng Myanmar.
Noong Disyembre 11, 2025, nasagip ang 81 Pilipino, kasama ang recruiter nilang Filipina at ang asawang Malaysian nito. Nanghihina si Jun na baka mapalaya ang recruiter kung hindi sila agad ma-repatriate.
Noong Disyembre 14, nanawagan ang Myanmar junta sa mga bansa na repatriate-in ang kanilang mga mamamayan sa Myawaddy shelter, kung saan ang pinakamalaking grupo ay mga Chinese, kasunod ang India, Indonesia, Ethiopia, Vietnam, at Kenya. RNT/MND
