MANILA, Philippines- May kabuaang 8,390 Recovering Persons Who Used Drugs (RPWUDs) ang muling nakasama ang kani-kanilang mga pamilya at komunidad simula noong 2021 sa pamamagitan ng Yakap Bayan Program (YBP) ng Department of Social Welfare and Development (DSWD).
Sinabi ni DSWD spokesperson Irene Dumlao na ang YBP ay ibinigay sa RPWUDs na may pangangalaga at sa huli ay social reintegration services, gaya ng relapse prevention sessions, counseling sessions, health and fitness therapy, spiritual interventions, at skills training, bukod sa iba pa, para mapabuti ang kanilang well-being at social functioning.
“The YBP is a holistic intervention of the DSWD which adopts human rights-based approaches to assist RPWUDs, their families and communities toward recovery,” ayon kay Dumlao, Assistant Secretary for Disaster Response Management Group (DRMG).
Sa ngayon, may 133 local government units (LGUs) sa iba’t ibang bansa ang nakipag-partner na sa DSWD para kopyahin at gayahin ang YBP sa kani-kanilang lokalidad.
“An increase in the number of implementing LGUs is expected within the year since the YBP has been institutionalized in January as a regular program of the DSWD through its Operations Group,” ayon kay Dumlao.
Winika ng opisyal na ang replikasyon ng YBP sa local levels ay makapag-aambag sa drug-demand reduction campaign ng national government.
“The RPWUDs in their locality will have the opportunity to better themselves and become productive members of their community and even can become local leaders,” ani Dumlao.
Upang matiyak na epektibo, may kakayahan tumugon, episyente at matatag sa pagtugon sa pangangailangan ng RPWUDs, sinabi ni Dumlao na ang DSWD ay nakipag-ugnayan sa Dangerous Drugs Board (DDB) at sinimulan ang pag-rollout ng YBP training kasama ang LGUs sa iba’t ibang rehiyon sa bansa.
“We want to make sure that LGUs have advanced knowledge and skill sets to implement the program and provide necessary assistance to RPWUDs,” ayon kay Dumlao.
Ang YBP ay isang holistic intervention ng DSWD na nagpatupad ng human rights-based approaches para tulungan ang RPWUDs, kanilang pamilya at komunidad tungo sa kanilang recovery.
Ang pagsasanay ay paunang isasagawa at isinasagawa sa Regions 1 (Ilocos), 2 (Cagayan Valley), 6 (Western Visayas), 11 (Davao), at Caraga mula Abril hanggang Hunyo 2024. Kris Jose
