MANILA, Philippines – Ipinagmalaki ni House Speaker Martin Romualdez na ang lahat ng mga kinakailangang batas na hiniling ni Pangulong Bongbong Marcos ay naipasa ng House of Reprepresentatives kaya naman ang positibong epekto nito ay nakakamit na ng mga Filipino.
Sa kanyang talumpati sa pagbubukas ng ikatlo ay huling regular session ng 19th Congress ipinagmalaki ni Romualdez ang mga “legislative accomplishments” ng Kamara.
“We have done our homework. We addressed concerns on food security, climate change, social protection, tourism, public health, public order and safety. In fact, the fruits of our overarching development agenda initiatives for the past two years are now slowly being felt across the nation,” pahayag ni Romualdez.
Bilang patunay, sinabi ni Romualdez na sa huling quarter ng 2022 at unang quarter ng 2024 ay lumago ang ekonomiya ng bansa ng 6.1 percent kung saan nataasan pa nito ang mga kalapit bansa, partikular ang Indonesia (5.1 percent), Malaysia (4.2 percent), Singapore (2.7 percent) at Thailand (1.5 percent).
Asahan pa umano ang 6 hanggang 7 percent na pagtaas ng ekonomiya ng bansa ngayong 2024 batay na rin sa pagtanya ng National Economic and Development Authority (NEDA) at magpapatuloy ito hanggang 2025 na posibleng umabot ng 7.5 percent.
“such forecast is not far from the growth projections for the Philippines in 2025 by key international financial institutions such as the International Monetary Fund (6.2 percent), the Asian Development Fund (6.1 percent) and the World Bank (5.9 percent),” paliwanag pa ni Romualdez.
“Malinaw po ang estado ng ating ekonomiya. Matibay at matatag. Pinag-titiwalaan hindi lamang sa loob ng ating bansa kundi maging sa buong mundo,” giit pa nito.
Sinabi ni Romualdez na magmula sa unang regular session ng Kamara noong July 2022 ay nasa 77 batas na ang naipasa.
Kabilang sa mga naisabatas ay ang Republic Act No. 12009 o New Government Procurement Act; Republic Act (RA) No. 12010 o Anti-Financial Accounts Scamming Act; Republic Act (RA) No. 11976, o Ease of Paying Taxes, Act, Maharlika Investment Fund Act of 2023 (RA 11954), Extending the Availment of Tax Amnesty (RA 11956), One Town One Product Philippines Act (RA 11960), Trabaho Para sa Bayan Act (RA 11962), Public-Private Partnership Code of the Philippines (RA 11966); Internet Transactions Act of 2023 (RA 11967), Tatak Pinoy (Proudly Filipino) Act (RA 11981), RA 11995 or Philippine Ecosystem and Natural Capital Accounting System Act, RA 12006 or Free College Entrance Examinations Act, RA 11984 or No Permit, No Exam Prohibition Act at RA 11997 o Kabalikat sa Pagtuturo Act.
Bukod sa mga nabanggit na batas ay 100 porsiyento din na naipasa ng Kamara ang 17 priority measures na binanggit ni Pangulong Marcos sa kanyang 2023 State of the Nation Address (SONA). Gail Mendoza
