MANILA, Philippines – Plano ni Education Secretary Sonny Angara na kumonsulta sa mga guro at estudyante upang makita kung kailangan bang alisin ang ban sa classroom decorations.
Matatandaan na ipinag-utos ni dating Department of Education Secretary at Vice President Sara Duterte ang pag-aalis sa mga classroom decorations sa mga pampublikong paaralan upang masiguro na hindi ma-distract ang mga estudyante kapag may klase.
“May arguments na for and against diyan. Ako, maybe I will conduct an informal survey, and see the sentiments of the teachers and learners on this matter,” sinabi ni Angara kasabay ng flag-raising ceremony.
Aniya, ipagpapatuloy naman nito ang MATATAG curriculum na binuo sa panahon ni Duterte.
“Gusto natin na magkaroon tayo ng curriculum stability tayo, that is why sabi nila kada secretary may bagong curriculum. Ako, wala akong balak na magbago ng curriculum we want to work on what is already there. So we will continue with the piloting of the MATATAG curriculum for Grades 1, 4, 7 this year, tapos sa susunod na taon Grades 2, 3 5 and 8, tuloy na ito,” sinabi ni Angara.
Nais niya rin umanong ipagpatuloy ang alternative delivery modes katulad ng online classes at modular learning upang masiguro na tuloy-tuloy ang pagkatuto ng mga estudyante.
Ang naturang mga pamamaraan ay nagsimula noong COVID-19 pandemic kung saan ipinagbawal ang face-to-face classes dahil sa hawaan ng sakit.
“That is the option talaga kapag hindi makapasok ang bata sa classrooms. We have to resort to those kinds of delivery modes,” ayon pa sa DepEd chief. RNT/JGC
