MANILA, Philippines -ITINALAGA ni Pangulong Ferdinand Marcos Jr., si Juan Victor “Jonvic” Remulla bilang Kalihim ng Department of the Interior and Local Government.
Ito ang kinumpirma ng Presidential Communications Office (PCO), araw ng Martes, Oktubre 8.
Bago pa umalis ngayong umaga si Pangulong Marcos para makiisa sa ika-44 at 45 ASEAN Summit sa Vientiane, Lao, simula October 8 hanggang 11, ay manunumpa muna sa kanyang harapan si Remulla.
Samantala, bago pa italaga bilang bagong DILG Secretary, si Remulla ay dating gobernador ng Cavite.
Pinalitan ni Remulla si Benhur Abalos na nagbitiw sa pwesto matapos maghain ng Certificate of Candidacy (COC), araw ng Lunes, Oktubre 7, sa Manila Hotel Tent City. Kris Jose
