MANILA, Philippines- Nasamsam ng Philippine Drug Enforcement Agency (PDEA), katuwang ang Philippine National Police, ang P197.2 milyong halaga ng droga sa isang buy-bust operation sa Parañaque City nitong Sabado.
Ayon sa pahayag, naganap ang buy-bust sa isang exclusive subdivision dakong alas-5 ng hapon na nagresulta sa pagkakaaresto sa dalawang indibidwal.
Sinamantala umano ng mga suspek ang mahigpit na security protocols ng subdivision upang makaiwas sa surveillance at intelligence operations ng Philippine authorities.
Kasama ang mga suspek, nadiskubre ng mga pulis ang 29 aluminum packets na may bigat na tinatayang 29 kilo, may label na “Freeze-dried Durian” sa Chinese characters.
Naglalaman ang mga ito ng white crystalline substances na hinihinalang shabu na aabot sa halagang P197,200,000.
