MANILA, Philippines – Naniniguro pa ang Department of Energy (DOE) ng Pilipinas sa epekto ng girian sa pagitan ng Israel at Iran sa posibilidad na pagtaas nang malaki ang presyo ng langis.
“We will have to take a look at the actual impact, we should not engage in speculation at this point that will duly alarm our people,” ani Energy Secretary Raphael Lotilla sa isang press conference sa Taguig City.
Ayon kay Energy Secretary Raphael Lotilla, hindi pa naman umaabot sa mataas na antas ang presyo ng langis tulad ng higit $100 kada bariles na naranasan noon.
“We have as high as more than $100 per barrel. But right now, even with the these incidents they have not spiked to that extent yet,” dagdag pa ni Lotilla. “Event if it reaches the higher levels, the likelihood of a significantly higher prices will be minimal.”
Tumaas man ng 9% ang presyo ng Brent crude sa $75.65 kada bariles, sinabi ng DOE na nananatiling sapat ang suplay ng langis.
Nagpahayag din ang Saudi Arabia ng dagdag-supply, at unti-unti nang tinatanggal ng OPEC+ ang kanilang mga production limits.
Ayon sa DOE, hindi rin problema maliban na lang kung maharangan ang Strait of Hormuz.
“Let us hope that the passage to the Gulf of Hormuz is not going to be impeded. While Saudi Arabia has committed to an increase in oil supplies and has an alternative outlet in the Red Sea portion of its territory… It has to pass through the Gulf of Hormuz,” dagdag pa ng Energy chief. RNT
