MANILA, Philippines – NAKATAKDANG lumahok si Pangulong Ferdinand Marcos Jr. sa 47th Association of Southeast Asian Nations (ASEAN) Summit and Related Summits sa Malaysia sa susunod na linggo.
Ang 47th ASEAN Summit and Related Summits sa Kuala Lumpur ay magaganap mula Oktubre 26 hanggang 28, ayon kay Department of Foreign Affairs (DFA) spokesperson Angelica Escalona.
Aniya, inaasahan na isusulong ni Pangulong Marcos ang interest ng Pilipinas sa mga pagpupulong, kabilang na rito ang 14 leaders-level meetings at maging ang tatlong signing ceremonies.
May magaganap din na bilateral meetings sa ibang lider.
“There are also 80 expected outcome documents to be signed during the Summit,” ayon kay Escalona.
Samantala, ang chairmanship ng ASEAN Summit and Related Summits for 2026 ay itu-turn over sa Pilipinas sa pagtatapos ng mga pagpupulong. Kris Jose
