Romero pinangunahan AFP-ARRAPI sa paghahatid ng pamasko sa batang Aetas at pamilyang katutubo sa Angeles City

Ang Association of Reservists and Reservist Administrators of the Philippines (ARRAPI) ng Armed Forces of the Philippines (AFP), sa pangunguna ng dating Deputy Speaker ng House of Representatives at Colonel Michael Odylon “Mikee” Romero, ay nagsagawa ng nakaaantig-pusong Wings Christmas Community Development relief mission para sa mahigit 200 Aeta Indigenous People (IP) children at mga pamilyang katutubo sa Sapang Bato, Angeles City.

“Today, the 2nd Air Force Wing Reserve, 2nd ARCEN, and Class Salimbay 2025 gave toys, gifts, and food packs — including 5 kilos of rice per family — to 100 Aeta IP children and 100 Indigenous families here as part of our Wings Christmas Community Development,” ani Romero. “Ang inisyatibong ito ay nagpapakita ng ating matibay na pangako na iahon ang mga nasa laylayan, maghatid ng saya ngayong kapaskuhan, at magbigay ng makabuluhang suporta sa ating mga kababayan saan mang bahagi ng bansa.”

Ang relief operation ay kinabibilangan ng pamamahagi ng mga laruan, regalo, at pangunahing pagkain — kabilang ang 5 kilong bigas bawat pamilya — na naghatid ng agarang tulong at pamaskong ligaya sa komunidad na kadalasang limitado ang akses sa mga batayang serbisyo.

Si Romero, PhD, isang reservist ng Philippine Air Force at matagal nang lingkod-bayan, ay kinikilala sa buong bansa dahil sa kanyang malawak na gawaing makatao at community outreach, lalo na noong panahon ng pandemya. Ang masigasig niyang trabaho kasama ang ARRAPI — isang pangunahing katuwang ng AFP sa civil-military operations — ay patuloy na nagpapalakas sa kahandaan sa disaster response, paghahatid ng kritikal na tulong, at pagpapatatag ng frontline support networks. Sa kasalukuyan, ang ARRAPI ay may mahigit 5,000 na sinanay na reservists sa buong bansa na handang rumesponde sa mga emerhensiya at magbigay ng makataong tulong.

Kamakailan, pinarangalan si Romero ng 2025 Philippine Choice Award for Outstanding Humanitarian and Community Service bilang pagkilala sa kanyang walang pagod na pagsusumikap na iaangat ang buhay ng mga nasa liblib at mahihirap na komunidad sa pamamagitan ng healthcare missions, suporta sa edukasyon, disaster response, at direktang pamamahagi ng ayuda sa geographically isolated and disadvantaged areas.

Kabilang sa kanyang makataong mga proyekto ang medical at dental missions, pamamahagi ng medical equipment sa malalayong isla, pagpapatayo muli ng mga paaralang nasunog o nasira ng kalamidad, at paghahatid ng pagkain at iba pang pang-emergency na tulong — mula Basco, Batanes hanggang sa mga liblib na isla ng Tawi-Tawi.

Bago ganap na tumutok sa pagiging reservist leader at philanthropic work, nagsilbi si Romero ng tatlong termino sa House of Representatives, kung saan siya ay kinilala bilang isang “people’s lawmaker.” Kabilang sa kanyang pangunahing adbokasiya ang mga programang nakatuon sa poverty alleviation, kapakanan ng komunidad, at pagpapalawak ng akses sa mahahalagang serbisyo. Bilang chair ng House Committee on Poverty Alleviation, siya ang pangunahing may-akda ng mga panukalang batas para sa mas matibay na suporta sa mahihirap na pamilya — kabilang ang pagpapalakas ng conditional cash transfer programs na tuluyang naisabatas at nakatulong sa pag-ahon ng milyon-milyong Pilipino mula sa kahirapan.

Naging may-akda o sponsor din si Romero ng iba’t ibang panukalang batas na nakatuon sa pambansang kaunlaran, proteksiyon sa konsyumer, kalusugan, rural financing, at suporta sa agrikultura — patunay ng kanyang malawak na dedikasyon sa inklusibo at pangmatagalang pag-unlad ng bansa.

Sa pamamagitan ng ARRAPI at ng kanyang nagpapatuloy na community development initiatives, patuloy na isinusulong ni Col. Romero ang isang bisyon ng serbisyo, pagkakaisa, at nation-building, na tinitiyak na kahit ang pinakamalalayong komunidad ay nararamdaman ang suporta at malasakit ng pamahalaan at mga lingkod-bayan. RNT