SABIK na ang milyon-milyong miyembro ng Pag-IBIG Fund sa nalalapit na paglalabas ng dividend rates para sa taong 2025. Nakatakdang ganapin ang Pag-IBIG Fund Chairman’s Report ngayong Biyernes, Pebrero 27, 2026, kung saan opisyal na ibubunyag ang kikitain ng Regular Savings at ang tanyag na Modified Pag-IBIG II (MP2).
Ano ang Inaasahan ng mga Miyembro?
Matapos ang sunod-sunod na taon ng mataas na return, marami ang umaasa na mananatiling matatag o hihigit pa ang dividend rate ngayong taon.
Noong nakaraang taon (para sa 2024 earnings), umabot sa record-high na 7.10% ang MP2 dividend rate, habang 6.60% naman ang para sa Regular Savings.
Base sa mga ulat nitong unang bahagi ng Pebrero, nakapagtala ang Pag-IBIG Fund ng pinakamataas na savings collection sa kasaysayan nito na umabot sa P160.41 bilyon noong 2025, isang 21% na pagtalon mula sa nakaraang taon. Ang malaking bahagi nito (mahigit P83 bilyon) ay galing sa voluntary MP2 savings, na nagpapakita ng matinding tiwala ng mga Pilipino sa naturang programa.
Dahil sa “solid financial position” ng ahensya, positibo ang pananaw ng mga ekonomista at investors na magiging “competitive” pa rin ang idedestinong dibidendo na ipapamahagi sa mga miyembro.
\Nakabibilib talaga ang Pag-IBIG Fund dahil sa gitna ng mga pagbabago sa ekonomiya, napanatili nilang 7% pataas ang MP2 dividend rate sa loob ng tatlong sunod na taon:
Bakit ito “Big Deal” ngayong 2026?
1. Consistency: Bihira ang investment na kayang magbigay ng ganito kalaking return na Tax-Free at Government-Guaranteed. Sa bangko, madalas ay nasa 1% to 4% lang, at babawasan pa ‘yan ng 20% tax.
2. Power of Compounding: Isipin mo, kung ang P100,000 mo noong 2022 ay hinayaan mo lang at pumatong nang pumatong ang mga rates na ‘yan, ang laki na ng “interest on interest” mo ngayon!
3. Inflation Buster: Dahil mataas ang rate, hindi “kinakain” ng pagtaas ng presyo ng bilihin ang halaga ng pera mo. Lumalaban ang ipon mo sa merkado.
Sabi nga ng marami, ang MP2 ang “Pambansang Ipon ng mga Wais.” Kaya naman itong darating na February 27, lahat tayo ay nakaabang sa Chairman’s Report. Kung ang net income ng Pag-IBIG noong 2025 ay umabot sa target na mahigit P67 Billion, napakalaki ng tsansa na “happy ang puso” nating mga miyembro ngayong linggo!
Paano Mapapanood ang Anunsyo?
Ang anunsyo ay gagawin nang LIVE sa opisyal na Facebook Page ng Pag-IBIG Fund (HDMF). Inaasahang dalo rito ang mga opisyal ng ahensya sa pangunguna ni DHSUD Secretary Jose Ramon Aliling at CEO Marilene Acosta.
Paalala sa mga Miyembro: Kapag na-anunsyo na ang rate, ang mga dibidendo ay awtomatikong iki-credit sa inyong mga account. Maaari itong makita sa pamamagitan ng Virtual Pag- IBIG mobile app o website pagkatapos ng opisyal na pagpoproseso.
