MANILA, Philippines – Itinurn-over ng Philippine National Police (PNP) sa Department of Justice (DoJ) ang mga records ng imbestigasyon sa naganap na gun-related incident sa Senado noong May 13.
Sa press briefing sa Malakanyang, sinabi ni Philippine National olice (PNP) chief Jose Melencio Nartatez Jr., na ang mga ebidensiyang nakalap ay mula May 11 hanggang 14.
Iyon ang titingnan ayon naman kay Department of Justice (DOJ) acting Secretary Fredderick Vida, ng panel of prosecutors na titingin sa pangyayaring ito, partikular na kung sinu-sino ang maaaring kasuhan at klase ng kaso na isasampa sa mapapatunayang may kinalaman sa nasabing putukan sa Senado.
SA kabilang dako, nilinaw naman ni Department odf Interion and Local Government (DILG) Secretary Juanito Victor Remulla Jr. na wala talagang NBI agents sa Senado. Ang mga NBI agents aniya ay nasa premises ng GSIS bilang tugon na rin sa naging kahilingan ni GSIS President and General Manager Jose Arnulfo Veloso na i-secure ang nasabing gusali.
Binigyang diin ni Remulla na walang NBI agents sa Senado.
Pinanindigan naman ni Remulla na hindi inatake ang Senado.
“All evidence points that there was no attack at the Senate,” ani Remulla.
Sa katunayan, ipinresenta nina Remulla at Philippine National Police (PNP) chief Jose Melencio Nartatez Jr. ang CCTV footage sa Government Service Insurance System (GSIS) complex sa Senate building na nagpapakita kung paano nangyari ang insidente.
Sinabi pa ng Kalihim na bago ang insidente, nagbigay aniya ng direktiba si suspended Acting Senate Sergeant-at-Arms Mao Aplasca ng “lock and load.”
At nang uriratin si Remulla kung ang insidente ay staged o hindi, sinabi ni Remulla na “No, the only conclusion is that there was no attack to the Senate.”
Samantala, sinabi ni Remulla na ipinalaam na kay Pangulong Ferdinand Marcos Jr. ang bagay na ito subalit sa ngayonn ay wala namang ibinigay na direktiba ang Chief Exeuctive.
“He is in knowledge of these already but he has no instructions yet,” ayon kay Remulla.
At sa tanong kung ano ang susunod na magiging hakbang ng DoJ sa usaping ito, sinabi ni Vida na “Ang susunod nito, this afternoon ‘no around lunch time, I received a report already from the NBI and I turned it over to the panel of prosecutors who will be conducting the investigation. Similarly I believe after this ano, General Nartatez will be turning over the report to the Department of Justice and in similar route, it will go to the panel and it will all be evaluated.”
“Nakita ninyo naman mga kababayan ko ‘no, compelling iyong facts that are have been unearthed but we still need to verify and validate ‘no. The DOJ will not take this as is ‘no, we will check on the timelines, we will on the source of the videos and everything. Kasi sa dulo nito, kailangan iyong katotohanan lang,” anito pa rin.
Samantala, hindi naman naipakita sa press briefing ang pangalawang video na naglalaman ng pag-alis ni Senado Ronaldo “Bato” Dela Rosa kasama si Senador Robin Padilla.
‘It will show the—iyong nakita ninyo kaninang timeline, the timeline is May 14 already at about 2:30 Am. It shows the white Fortuner and personalities going out from the senate particularly makita natin doon ang Senator Bato and Senator Padilla and going to the vehicle na Fortuner. Ipakita na natin iyong video noon. And per records inquiry, it is owned by Senator Padilla,” ayon kay Nartatez. (KRIS JOSE)
