MANILA, Philippines – Ligtas na nakalabas sa Strait of Hormuz ang apat na Philippine-registered vessels sakay ang 81 Filipino seafarers, sinabi ng Department of Foreign Affairs (DFA) nitong Sabado, Hulyo 18.
“The 81 Filipino seafarers on board the four ships are now safe and have resumed their normal seafaring duties while some have availed of the opportunity to return to their families,” saad sa pahayag ng kagawaran.
Ang mga barkong MV Western Doncaster, MV Vivian Trader, MV Lyng Trader, at MV Eva Fuji, ay nakumpleto ang kanilang pagtawid sa Hormuz sa pagitan ng Hunyo 24 at Hulyo 1.
Patuloy na imomonitor ng DFA ang sitwasyon sa Persian Gulf kasabay ng muling pagsiklab ng gulo sa rehiyon.
Aasistihan din ng pamahalaan ang mga Filipino seafarer na nananatiling stranded sa rehiyon matapos suspendihin ang evacuation operations kasunod ng pagtatapos ng temporary ceasefire sa pagitan ng Estados Unidos at Iran. RNT/JGC
