MANILA, Philippines – TINIYAK ni Armed Forces of the Philippines chief of staff Gen. Antonio Nafarrete sa publiko na “well prepared” ang mga sundalo at pulis para hadlangan ang anumang security threat na maaaring makasira sa kredibilidad ng first regional parliamentary elections sa Bangsamoro Autonomous Region in Muslim Mindanao (BARMM).
Nagsagawa ng pag-iikot si Nafarrete sa Lanao del Sur at Maguindanao provinces, araw ng Biyernes para i-check ang kahandaan at morale ng mga tropa.
Bago pa ang ginawang troop inspections ni Nafarrete, mas maraming pulis at Army personnel ang dumagsa sa rehiyon mula sa ilang units sa iba’t ibang bahagi ng Mindanao.
“We are very confident about ensuring a peaceful (conduct) of the historic first BARMM parliamentary elections, with the military and police and other stakeholders joining hands to make it happen,” ang sinabi ni Nafarrete.
Tinatayang 11,000 government forces ang naka-deploy sa BARMM para magbigay ng seguridad para sa political exercise na kokompleto sa political track ng landmark ng Comprehensive Agreement on the Bangsamoro (CAB), the isang peace deal na nilagdaan ng gobyerno at Moro Islamic Liberation Front (MILF) noong 2014.
Ang CAB, ipinatipad sa pamamagitan ng Bangsamoro Organic Law, nagbibigay ng ‘greater self-governance powers’ sa autonomous regional government, kapalit ng pagbitaw ng MILF sa separatist bid nito.
Winika ni Nafarrete na sa utos ni Pangulong Ferdinand Marcos Jr., ang military at pulis ay inatasan na garantiyahan ang seguridad ng mga mamamayan sa araw ng halalan upang sa gayon ay mahikayat ang mga ito na lumabas at bumoto.
Samantala, hinikayat naman ni Nafarrete ang mga kuwalipiakdong botante ng rehiyon na pumunta ng polling centers at “freely exercise their right to choose their leaders.” KRIS JOSE
