MANILA, Philippines – Maagang umalis ng PNP Custodial Center sa Camp Crame, Quezon City si dismissed Bamban, Tarlac Mayor Alice Guo para dumalo sa pagdinig ng Senado sa illegal Philippine Offshore Gaming Operators (POGOs).
Lumabas si Guo sa detention facility bandang 7:51 ng umaga.
Si Guo ay iniuugnay sa ni-raid na POGO hub sa Bamban at nahaharap sa mga reklamong graft, money laundering, at human trafficking.
Pinayagan ng Valenzuela court si Guo na dumalo sa nagpapatuloy na imbestigasyon ng Senado makaraang hilingin ni Senador Risa Hontiveros ang personal na pagdalo ng dating alkalde.
Si Hontiveros ang nangunguna sa imbestigasyon ng illegal POGOs bilang chairperson ng Senate committee on women, children, family relations, and gender equality.
Huling dumalo si Guo sa pagdinig ng Senado noong Setyembre 9. RNT/JGC
