MANILA, Philippines – Pumanaw na si Ubay, Bohol Mayor Violeta Diangco Reyes sa edad na 58, ayon sa anunsyo ng lokal na pamahalaan nitong Martes.
Sa isang pahayag, binigyang-pugay ng pamahalaang bayan ng Ubay si Reyes at inilarawan siyang lider na nagpakita ng dedikasyon at malasakit sa kapakanan ng kanyang mga nasasakupan.
“As we mourn this painful loss, we remember and honor her remarkable legacy of service, leadership, and love for the people. May her life continue to inspire us to work together for the betterment of our community, guided by the values she exemplified throughout her years of public service,” ayon sa lokal na pamahalaan.
Ipinanganak si Reyes noong Hulyo 23, 1967 at naiwan ang kanyang asawang si Ubay Vice Mayor Constantino Reyes.
Hindi pa inilalabas ng kanyang pamilya ang sanhi ng kanyang pagpanaw.
Nagbigay rin ng pagpupugay ang Pamahalaang Panlalawigan ng Bohol kay Reyes at inilarawan siyang matatag na lider at dedikadong lingkod-bayan.
“The Provincial Government of Bohol mourns the passing of Violeta Diangco Reyes, Municipal Mayor of Ubay,” ayon sa pamahalaang panlalawigan.
“Her contributions to her community and her passion for local governance have left a lasting mark on Ubay and the Province of Bohol,” dagdag nito. Mary Anne Sapico
