MANILA, Philippines – Sinabi ni dating Pangulo at Pampanga 2nd District Representative Gloria Macapagal Arroyo nitong Miyerkoles na boboto siya laban sa anumang impeachment complaint na maaaring ihain laban kay Ombudsman Jesus Crispin Remulla.
Inilabas ni Arroyo ang pahayag matapos itanggi ng kanyang abogado na si Joseph Frianeza ang mga kumakalat sa social media na inuugnay ang dating Pangulo sa umano’y planong ipa-impeach si Remulla.
“Ombudsman Remulla was a CESO (Career Executive Service Officer) Assistant Secretary in President Estrada’s office when EDSA Dos happened,” ani Arroyo, na tumutukoy sa 2001 People Power uprising na nagpatalsik kay dating Pangulong Joseph Estrada.
“Rather than cling to his Civil Service security of tenure, he graciously vacated his post to give me a free hand in organizing Malacañang,” dagdag niya.
Ayon kay Arroyo, naging pinagkakatiwalaang political ally niya si Remulla noong kanyang administrasyon.
“He became my ally when he became a congressman during my presidency and did much valuable legislative policy and oversight work for my administration,” sabi ni Arroyo.
“Thus, if an impeachment resolution is filed against him in the House, I will vote against it. Impeachments are fundamentally political, and a vote in favor of Ombudsman Remulla would be my response,” dagdag pa niya.
Sinabi ng GMA News Online na humingi na ito ng komento mula sa Office of the Ombudsman kung may kaalaman ito sa anumang hakbang para patalsikin si Remulla.
Si Remulla, na matagal ding naging kongresista, ay nagsilbing Justice secretary simula 2022 bago siya italaga ni Pangulong Ferdinand Marcos Jr. bilang Ombudsman noong Oktubre 2025. RNT
