Bulacan – Arestado ang newly identified High-Value Drug Target nang mahulihan ng P686,800.00 halaga ng iligal na droga sa buy-bust operation ng pulisya sa bayan ng Balagtas.
Kinilala ng pulisya ang naarestong suspek na si alyas Omar, 36, residente ng Brgy. Panginay.
Sa report, ikinasa ang operasyon ng Regional Police Drug Enforcement Unit 3 katuwang ang Regional Special Operations Group 3, Balagtas police station at Bulacan Intelligence bandang 2:00 ng madaling araw nitong Hulyo 1 sa kahabaan ng Dalig road, Brgy. Borol 2nd.
Narekober ng mga awtoridad ang 101 grams na hinihinalang shabu na may standard price na P686,800, mga drug paraphernalia, digital weighing scale, lighter, cellphone at marked money.
Nahaharap ang suspek sa kaukulang kaso habang nakakulong sa naturang yunit na humuli sa kanya. Dick Mirasol III
