MANILA, Philippines – Lumakas pa ang Bagyong Gorio habang kumikilos ito sa Philippine Sea.
Kasabay nito ay inaasahang magdadala ng maulap na kalangitan na may mga pag-ulan ang southwest monsoon o Habagat sa Southern Luzon, Visayas, at Mindanao, ayon sa PAGASA ngayong Martes, Agosto 12.
Huling namataan ang sentro ng Typhoon Gorio sa layong 745 kilometro silangan ng Itbayat, Batanes taglay ang lakas na hangin na aabot sa 120 kilometro kada oras.
Mayroon naman itong pagbugso na hanggang 150 kilometro kada oras at kumikilos sa direksyong pa-kanluran sa bilis na 25 kilometro kada oras.
“GORIO’s current track forecast shows a low chance of it directly affecting the country within the next three days. However, in the event of a further southward shift in the forecast track, hoisting of Tropical Cyclone Wind Signal over Extreme Northern Luzon is not ruled out,” saad sa ulat ng PAGASA.
“Gorio will bring up to moderate seas (up to 2.5 m) over the coastal waters of Extreme Northern Luzon. Mariners of motor bancas and similarly sized vessels are advised to take precautionary measures while venturing out to sea and, if possible, avoid navigating in these conditions, especially if inexperienced or operating ill-equipped vessels,” dagdag pa.
Inaasahang magla-landfall ito sa eastern coast ng Taiwan bukas, Agosto 13 at lalabas ng Philippine Area of Responsibility (PAR) pagsapit ng gabi.
Bagamat walang direktang epekto ang Bagyong Gorio ay magdadala naman ang Habagat ng maulap na kalangitan na may kalat-kalat na pag-ulan sa MIMAROPA, Western Visayas, Negros Island Region, at Zamboanga Peninsula.
Bahagyang maulap hanggang sa maulap na kalangitan na may isolated rain showers o thunderstorm naman ang mararanasan sa Metro Manila at nalalabing bahagi ng bansa. RNT/JGC
