MANILA, Philippines – Patuloy ang mabilis na paglakas ng Bagyong Uwan habang lumalapit ito sa Catanduanes, ayon sa 5 a.m. bulletin ng PAGASA.
Sa ulat, apat na lugar sa Bicol Region ang isinailalim na sa Signal No. 4 na maaaring makaranas ng “very intense” na hangin ng bagyo o hangin na mas mataas pa sa 118 kilometro kada oras.
Ang mga sumusunod na lugar ay nasa ilalim ng Signal No. 4:
Polillo Islands
the eastern and central portions of Camarines Norte (Mercedes, Daet, Talisay, Vinzons, Capalonga, Labo, Paracale, Jose Panganiban, San Vicente, San Lorenzo Ruiz, Basud)
the eastern portion of Camarines Sur (Sagñay, Tigaon, Goa, Calabanga, Tinambac, Siruma, Lagonoy, Garchitorena, San Jose, Presentacion, Caramoan, Cabusao)
Catanduanes
the eastern portion of Albay (Rapu-Rapu, Bacacay, City of Tabaco, Malilipot, Malinao, Tiwi)
Huling namataan ang sentro ng bagyo sa layong 195 kilometro silangan ng Virac, Catanduanes. Kumikilos ito sa direksyong west northwestward sa bilis na 35 kilometro kada oras.
Taglay nito ang lakas ng hanhin na 175 kilometro kada oras at pagbugso na hanggang 215 kilometro kada oras.
“Heavy rainfall, severe winds, and storm surge may still be experienced in localities far from the landfall point and outside the forecast confidence cone,” ayon sa PAGASA.
Maaaring dumaan malapit sa Catanduanes ang mata ng bagyong Uwan at maaaring mag-landfall sa Aurora, Linggo ng gabi.
“Due to its proximity, a direct hit, such as eyewall affecting the area without making landfall, or a landfall scenario over Catanduanes is possible,” sinabi pa ng PAGASA.
Matapos ang landfall, tatawid ito sa bulubunduking bahagi ng Northern Luzon at lalabas sa Lingayen Gulf o coastal waters ng Pangasinan o La Union pagsapit ng Lunes.
Posible pa rin ang pag-abot sa Super Typhoon Category ng Bagyong Uwan.
“The interaction with the terrain will cause Uwan to weaken significantly, but it is expected to remain as a typhoon throughout its passage over Northern Luzon,” dagdag pa. RNT/JGC
