MANILA, Philippines- Tatlong kaso ng scam na humihimok sa overseas Filipinos na magpahiram ng kanilang banking information ang nasubaybayan ng Department of Migrant Workers (DMW) na kalaunan ay ginamit para sa money laundering, sinabi ni Migrant Workers Secretary Hans Cacdac.
Aniya, ilang indibidwal ang nakakulong dahil dito ngunit sila ay pinalaya na.
Inihayag ni Cacdac ang mga detalye ng scheme, na nagsasabing ang mga Pilipino, pangunahin sa Hong Kong, ay inaalok ng pera kapalit ng kanilang banking details.
Ayon kay Cacdac, kumikilos na ang Hong Kong authorities at DMW sa nasabing isyu.
“They are just as concerned as we are dito sa nangyayari na ito kasi talagang victimization talaga ng inosensiya ng ating OFWs,” sabi ni Cacdac.
Samantala, nagbabala rin si Cacdac sa isa pang scam kung saan inaalok ng mga recruiter ang mga Pilipino online ng libreng mga tiket sa mga bansa sa Association of Southeast Asian Nations (ASEAN) para sa trabaho.
Una ay inaalok ng trabaho sa Malaysia o Thailand ngunit pagdating sa airport, sasabihin ng scammers na ang tiket ay para sa mga lugar tulad ng Myanmar, Cambodia at Lao Peoples Democratic Republic.
Idinagdag niya na ang publiko ay dapat mag-ingat sa mga recruiter na nag-aalok ng flight papuntang Thailand o Malaysia na walang work visa na kasama para makilahok sa mga gawaing pang-opisina dahil ang mga ito ay kadalasang bahagi ng “scam hub victimization.”
Sa pakikipagtulungan ng Department of Foreign Affairs (DFA), ang DMW ay nakatulong sa humigit-kumulang 1,096 returning OFWs na nabiktima ng mga employer ng scam hub sa Cambodia, Laos, at Myanmar, ayon kay Cacdac
Sinusubaybayan din ng DMW ang 10 kaso ng OFWs na nabiktima ng loan scam. Jocelyn Tabangcura-Domenden
