LOS ANGELES – Namatay sa edad 58 si Congolese-American basketball great Dikembe Mutombo, kilala bilang isa sa pinakamahusay na defensive player sa kasaysayan ng NBA, iniulat ng NBA.
Si Mutombo, isang eight-time NBA all-star, ay pumanaw na napapalibutan ng kanyang pamilya matapos ang isang labanan sa brain cancer, idinagdag ng liga.
“Dikembe Mutombo was simply greater than life,” sabi ni NBA commissioner Adam Silver tungkol sa 7-foot-2 Hall-of-Famer sa isang pahayag.
“Sa court, isa siya sa pinakadakilang shot blocker at defensive player sa kasaysayan ng NBA. Off the floor, ibinuhos niya ang kanyang puso at kaluluwa sa pagtulong sa iba,” dagdag ng NBA Commissioner.
Si Mutombo, na naglaro ng 18 season sa NBA, ay walang pagod na nagtrabaho upang mapabuti ang kondisyon ng pamumuhay sa kanyang katutubong Democratic Republic of Congo sa pamamagitan ng kanyang personal na foundation.
Ang mga pagsisikap na iyon, na kinabibilangan ng pag-donate ng milyun-milyong dolyar ng kanyang personal na kayamanan upang tumulong sa pagtatayo ng isang ospital sa Kinshasa, ay nakakuha sa kanya ng maraming mga humanitarian accolades kabilang ang US President’s Volunteer Service Award.
“He was a humanitarian at his core,” sabi ni Silver, na madalas maglakbay kasama si Mutombo sa kanyang trabaho bilang Global Ambassador ng NBA.
“Gustung-gusto niya ang maaaring gawin ng laro ng basketball para magkaroon ng positibong epekto sa mga komunidad, lalo na sa kanyang katutubong Democratic Republic of Congo at sa buong kontinente ng Africa,” sabi ni Silver.
“Nagkaroon ako ng pribilehiyo na maglakbay sa mundo kasama si Dikembe at makita mismo kung paano pinasigla ng kanyang pagkabukas-palad at pakikiramay ang mga tao.”JC
